Foguèt realizada en 1981, sus lo carrèu dau potz Destival per los artista de L'URAP ( Union Regionala dals artistas Plasticians ), associacion fixada a Nimes. Los Artistas : Maurici Laurent, Jan Marc Stetka, Bedel, Mansor Bekkada, Alan Gouedard, Miquèu Trani, Bernat Vaissière, Evelina Bourré, Gibert St Pré, Roma, Merlin, Astor, Gilles e ne'n deve oblidar... Quante tèxte metre sota aguela fresca, d'uèi desapareguda ? Es que se pòt troban mièlh qu'un tèxte man levat au libre de l'URAP : "los escapats dau molag" paregut en 1984. Foguèt escrich sus lo carrèu de Destival, sus una simpla fuèlha de papièr, per Jan Pèire Chabròl :

<< Un mur, un mur belàs, aquò's nèci, aquò's s'òrre, entre lo camin de fèrre e lo potz de Destival. Des mes durant, les minaires en cauma agissenta semblavan embarrats aqui darrièr. Recorreguèron a l'art. Vaqui, aquela còfa famosa es venguda per faire de pintura ambe de botas acoloridas, d'escalas, de pincèus de bastiment, e subretot de mans intelligentas, largas, fòrtas coma de manassas obrieiras. Aquò's pinturat, vòle pas ieu retraire ambe de mòts... Vesètz, aquel mur canta, aquel mur lucha. Lo Cévenòu, lo Paris-Clarmont-Nîmes lo saludava d'un siblet gloriòs als temps mai que durs de las batèstas per lo carbon, per lo pais. A dicha d'engèni, aquel mur encantat per la fresca s'es mesclat au païsatge, e a l'istòria proletariana dals reguitnaires. Gardem lo dins nòstres còrs, servem lo simplament, lo pavament de son musèu es 800 mètres de rocàs negre, son ennaut es nòstre cèu, enfin de sorelh sota la cimaisa.>>

( ambe la genta autorizacion Babèt Chabròl - siti internet : www.jean-pierre-chabrol.com )

Fresca de Frontinhan per Renat Francés Gregogna :

Aquela fresca, pauc duradissa, foguèt pinturada en 1979-1980, a Frontinhan sus los rocàs enriba de mar. R F Gregogna restava d'aquel temps, totba costat, dins l'ostalet dau gardabarrièira de la linha SNCF. Es en Alès que mòstra sas primièiras pinturas, puèi planta cavilha a Seta. Un temps brèu foguèt dins lo Vau de Leire, puèi se pausa a Pesenàs.

Pinturas, pegatges, montatges, esculturas, frescas son tot son monde. Exposicions a Seta, Orleans, Vendòme, Tors, Carcassona, USA, au Centre Internacionau d'Art Contemporanèu e au Grand Palais a Paris, en Alemanha, a Tolosa, Oletta , Bèglas, ... e de segur à Pesenàs. Es aqui que fai nàisser a Pesenàs lo movement VRAC (Volum Relèu Accion Color) e crèa l'associacion "la Ruade".

( siti internet Moni Grégo : http://jenemetairaipas.com/ )